Podes baixar un Zip de 45 MB cos 12 temas de Guezos 99-06 en mp3 premendo aqui ou baixalos directamente coas seguintes ligazóns :
Guezos creouse no ano 1999 e segue vivo a este lado do Miño. Moitas cousas pasaron nestes sete anos, xente que se uniu ó proxecto (e outros que nos deixaron), moitos quilómetros (inda que non tantos como teriamos desexado), uns cen concertos (e os que quedan por vir), dous discos (autoeditados e autofinanciados) e moitas horas de traballo, música e ilusións.
O traballo “99-06” recolle un resumo destes sete anos de experiencias coa banda e a xente que a rodea. Antes de continuar o noso camiño nos gostaría compartir estas 12 cancións con todo aquel que teña gañas de facelo, e uns poucos megas libres no disco duro.
Agardamos que as desfrutedes, e que haxa a partir deste 2007 máis música e moita festa, que é o motor que fai andar os corazóns e as pernas.
¡¡Saudos desde Terradentro!!
¡¡Viva o Folk sen Complexos!!
Web: www.guezos.com
Blog: blogs.ya.com/guezos
GUEZOS 99-06 está editado por A REGUEIFA PLATAFORMA.
