Podes baixar un Zip de 46 MB cos nove temas en mp3 premendo aqui ou baixalos directamente coas seguintes ligazóns :
O 25 de xuño de 1976 dúas das pezas fundamentais de Voces Ceibes, Benedicto e Bibiano, oferecían no Pavillón dos Deportes da Coruña un recital en solidariedade co dirixente comunista Santiago Alvarez, preso no penal de Caravanchel. Ese mesmo verán se edita para recadar fundos unha fita con nove temas dese concerto da que se chegan a distribuir 2.000 exemplares. Trinta anos despois oferecémosvos a versión orixinal íntegra de nove temas -El Correo Gallego chegou a editala en 1992 na súa colección Fonoteca 92 con só seis cortes- deste histórico concerto.
